"PIDATO 10 NOVEMBER BAHASA JAWA"
PIDATO BAHASA JAWA "10 NOVEMBER"
Assalamu’alaikum Wr. Wb.
Ingkang kawula hormati bapak/ibu guru
lan hadhirin-hadhirat ingkang minulya.
Monggo kita panjataken raos puja lan
puji syukur wonten ngarsanipun Allah SWT,
ingkang sampun maringi kita sedaya Rahmat, Taufik lan Hidayah saingga
kita saget makempal ing mriki kanthi mboten wonten halangan satunggal punapa.
Sholawat lan salam mugi-mugi kunjuk
dhumateng Nabi Muhammad SAW, ingkang mbekta umatipun saking zaman jahiliyah
tumuju zaman islamiyah ingkang kita antu-antu syafa’atipun wonten Yaumil
Qiyamah.
Parasederek, wonten ing mriki badhe
kawula aturaken babagan 10 November.
Sakbibaripun sedanipun Brigadir
jendral Mallaby, digantosaken Mayor Jendral Robert Mansergh miyosaken ultimatum
ingkang nyebataken sedaya pimpinan lan tiyang Indonesia ingkang kagungan
senjata badhe lapor lan nyerahaken salira kaliyan junjung asta. Ultimatum
punika ditolak pikantuk pihak Indonesia, amergi bangsa Indonesia sampun
jumeneng lan Tentara Keamanan Rakyat (TKR) ugi sampun di damel.
Sedaya pemuda lan tiyang Indonesia
menentang mlebetipun Pemerintah Belanda sing mboncengi tentara Inggris. Tentara
Inggris ingkang tanggal 10 November 1945 nglancaraken serangan skala ageng ing
kutha Surabaya saingga dumadi prastawa perang ageng ing antawasipun arek-arek
Surabaya lan sekutu.
Para tokoh agama sing kedadosan
saking ulama’ bebasan KH.Hasyim Asy’ari, KH.Wahab Hasbullah ugi ngerakaken
santri-santri kange ngusir penjajah marang Surabaya. Lan Bung Tomo saget ngerakaken
semangat perlawanan pemuda-pemuda Surabaya saingga saget ngusir penjajah marang
Surabaya. Kathahe pejuang sing seda ing dinten 10 November 1945, saingga saben
tanggal 10 November dipun peringati dinten pahlawan.
Hadhirin-hadhirat
ingkang minulya.ing pengetan punika boten kula jlentrehake sedaya prastawa ing
tanggal 10 November 1945, nanging semangatipun ingkang kedhah kita
betahaken.semangat pejuang pahlawan kangge nindakaken pejuang ing babagan
pembangunan. Mugi-mugi Jiwa lan semangat 10 November taksih wonten ing jaja-jaja
bangsa Indonesia kangge mbangun negari Indonesia. Kanthi berjuang “Sepi ing
pamrih rame ing gawe”.
Kula
raos cukup semanten pidato ingkang kawula aturaken. Menawi wonten kalepatan
kula nyuwun pangapunten.
Wassalamu'alaikum Wr. Wb.
Penyusun Pidato : M.Soni Setiawan
|Berbagai Sumber|
0 Comments